ਨਵੇਂ ਵਰ੍ਹੇ ਦੀ ਆਮਦ 'ਤੇ ਅਰਜ਼ੋਈ ਸੁੱਚੜੇ ਸੂਰਜ ਨੂੰ :
ਹੇ ਸੂਰਜਾ !
ਵੇ ਚਾਨਣ ਦਿਆ ਕਟੋਰਿਆ !
ਪਰੀਤਾਂ ਸੰਗ ਪਰੋਤਿਆ !
ਰੁਸ਼ਨਾ ਦੇ ਧਰਤ ਦਾ
ਹਰ ਇੱਕ ਕੋਨਾ...
ਕੋਈ ਨੁੱਕਰ ਰਹੇ ਨਾ ਵਾਂਝੀ
ਤੇਰੇ ਨੂਰ ਤੋਂ. ..
ਉਸ ਦਹਿਲੀਜ਼ 'ਤੇ ਵੀ ਅੱਪੜ ਜਾ
ਜਿੱਥੇ ਚਿਰਾਂ ਤੋਂ ਦਸਤਕ ਨਹੀਂ ਹੋਈ...
ਦੇ ਜਾ ਕਿਰਨਾਂ ਦਾ ਛਿੱਟਾ 
ਕੰਮੀਆਂ ਦੇ ਵਿਹੜੇ...
ਝਾਕ ਵੇ ਤੂੰ ਝੀਤਾਂ-ਝਰੋਖਿਆਂ ਵਿੱਚੋਂ
ਕਾਲਖ ਭਰੇ 'ਕਮਰਿਆਂ' ਅੰਦਰ ...
ਕਰ ਵੇ ਰੋਸ਼ਨ ਮਨ ਦੀ ਮਮਟੀ...
ਵਿਖਾ ਦੇ ਆਪਣੇ ਤੇਜ਼ ਸੰਗ
ਧਰਤ ਦੇ ਹਰ ਬਸ਼ਿੰਦੇ ਨੂੰ
'ਵੰਡੀਆਂ-ਰਹਿਤ' ਸਮਾਜ ...ਕਿਸ਼ਾਂਵਲ