ਹੇ ਸਮੁੰਦਰਾ !' ਕਸਮੀਰੀ ਦੁਖਾਂਤ ਦੇ ਨਾ !

ਪਾਣੀਆਂ ਦੇ ਨਾਂ ਇੱਕ ਵਾਸਤਾ !

ਸਮੁੰਦਰਾ !

ਸਹਾਈ ਹੋ !

ਸੂਰਜਾ ਸੰਭਾਲ ਵੇ... !

ਜੀਵਨ ਨੂੰ ਪੁਗੰਰਨ ਦੇਹ!

ਹੇ ਭਗਵਾਨ ! 

ਬਚਾਅ... ਧਰਤ ਨੂੰ !

ਜੀਵਨ ਨੂੰ !

ਪੰਛੀਆਂ ਨੂੰ !

ਸੰਗੀਤ ਨੂੰ !

ਸਾਹਿੱਤ ਨੂਂੰ !

ਮਾਨਵ ਨੂੰ !

ਫੁੱਲਾਂ ਨੂੰ !

ਕੋਮਲਤਾ ਨੂੰ , 

ਕੋਮਲ-ਕਲਾਵਾਂ ਤੇ 

ਸੁਹਜ ਨੂੰ !

ਰੰਗਾਂ ਨੂੰ !

ਸੁਗੰਧਾਂ ਨੂੰ !

ਘਰਾਂਂ ਦੀਆਂ ਕੰਧਾਂ ਨੂੰ !

ਜਿੱਥੇ, ਪਿਆਰ ਪਨਪਦਾ ਹੈ,

ਕਿਰਦਾਰ ਉੱਚੇ ਉੱਠਦੇ ਹਨ !.

ਕਹਿੰਦੇ ਹਨ,

ਅੱਗ ਤੋਂ ਬਚਿਆ ਜਾ ਸਕਦੈ !

ਪਾਣੀ ਤੋਂ ਨਹੀਂ ੴ

ਹੇ ਜਿਹਲਮ!

ਮੁੜ ਕਦੀ ਨਾ ਟੁੱਟਣ , 

ਤੇਰੇ ਕਿਨਾਰੇ !

ਬਖਸ ਰੱਖੀਂ !

ਉਹਨਾਂ ਮੇਰੇ ਹਮਵਤਨੀਂ ਕਸ਼ਮੀਰੀਆਂ,

'ਤੇ ਹੋਰਾਂ ਨੂੰ !

ਅਸੀ ਤਾਂ ਨਿਮਾਣੇ ਹਾਂ !

ਸਮੁੰਦਰਾ !

ਤੂੰ ਵਿਸ਼ਾਲ 'ਤੇ ਵਿਰਾਟ ਹੈ !

ਹਿਰਦਾ ਵਿਸ਼ਾਲ ਰੱਖ !

ਰੋਕ ਆਪਣੇ ਆਪਣੇ ਅੰਦਰ ਪਨਪਦੇ, 

ਪਾਣੀਆਂ ਦੇ ਵਿਨਾਸ਼ਕ ਤੱਤਾਂ ਨੂੰ !

ਪੀਣ ਜੋਗਰਾਂ ਦੇ !, 

ਮੈਂ ਆਪਣੇ ਹਮਸਾਏ ਮਨੁੱਖ ਲੲੀ ,

ਝੋਲੀ ਅੱਡ ਕੇ ਤੇਰੇ ਕੋਲੋਂ ,

ਪੀਣ ਵਾਲੇ ਪਾਣੀਆਂ ਦੇ ਸਦੀਵੀ ਤੌਰ 'ਤੇ 

ਸਾਫ ਰਹਿਣ ਦਾ ਵਰਦਾਨ ਮੰਗਦੀ ਹਾਂ !

ਕਿੰਨੇ R O ਲਾ ਲੲੀਏ !,

ਸਵੱਛ ਪਾਣੀ ਨੂੰ ਤਰਸਦੇ ਹਾਂ ਅਸੀਂ 

ਮੈਂ ਆਪਣੀਆਂ ਆਉਣ ਵਾਲੀਆਂ ,

ਨਸਲਾਂ ਦੇ ਇਸ ਘਾਟੇ ਲਈ ਬਹੁਤ ਫਿਕਰਮੰਦ ਹਾਂ !

ਪਾਣੀ ਹੀ ਜੀਵਨ ਹੈ !

'ਹੇ ਸਮੁੰਦਰਾ !'

ਵਿਸ਼ਾਲ ਦਿਲ ਦੇ ਮਾਲਕਾ !

ਰਹਿਮ ਕਰ ਅਜ਼ੀਮ ਮਨੁੱਖਤਾ ਤੇ !

ਇਹ ਤੇਰੀ ਹੈ !

ਨਿਰੋਲ ਤੇਰੀ !

ਤੂੰ ਹੀ ਤਾਂ 

ਪਵਣੁ ਜੇ ਗੁਰੂ ਹੈ !

ਤੂੰ ਪਿਤਾ ਹੈ !

ਤੂੂੰ ਪਿਤਾ ਹੈ !

ਬਖਸ਼ ਦੇਹ ਸਾਡੀਆਂ ਭੁੱਲਾਂ !

ਮੇਰੀਆਂ ਦਾਦੀਆਂ-ਪੜਦਾਦੀਆਂ ਦੇ 'ਖਵਾਜ਼ਾ -ਪੀਰ' 

ਮੇਰੀ ਆਵਾਜ਼ ਸੁਣ !

ਐ ਸੁਨਹਿਰੀ ਮੱਛਲੀ 

ਬਾਹਰ ਆ ਜ਼ਰਾ !

ਦੇਖ ! ਕਿੰਨੇ ਬਜ਼ੁਰਗ !

ਜੀਵਨ-ਦਾਨ ਮੰਗਣ ਆਏ ਹਨ !

ਮੇਰੀ ਮਦਦ ਕਰ !,

ਮੇਰੀ ਕਲਾ,,ਜੋ ਮੈਂੰਨੂੰ,ਕਿਸੇ ਵਰਦਾਨ ਸਦਕਾ ਮਿਲੀ ਹੈ !

ਆਖਰੀ ਸਾਹ ਤੱਕ ਮੈਂ ਤੇਰੀ ਅਹਿਸਾਨ ਮੰਦ ਰਹਾਂਗੀ !

ਆਵਾਹਨ ! ਆਵਾਹਨ ! ਆਵਾਹਨ ! ਆਵਾਹਨ ! ਆਵਾਹਨ !.........

ਹੇ ਸਮੁੰਦਰਾ ਰਹਿਮ ਕਰੀਂ ! ਸਦਾ ਲਈ ਰਹਿਮ ਕਰੀਂ !

ਪਾਣੀਆਂ ਦੇ ਟਾਪੂਆਂ ਅਤੇ ਧਰਤ ਤੇ ਸਦਾ ਰਹਿਮ ਕਰੀਂ !.....